Liedtekst
SCHINDERHANNES
Veur góldj en briljantjes wil ich alles doon,
Want alles waat blink is veur ruivers zo sjoon,
Servies en kristjal laot ich sjtaon in de kas,
Ich pak allein, waat in dees tesse pas.
In rouve en sjtaele bön ich heel bekwaam,
Ich bön Schinderhannes, zo is miene naam.
En die echte rieke sjtinkers, plök ich wiej 'ne kwekkert zo kaal,
Ouch al waert ’t goldj weggemoeffeld, Schinderhannes, hiej, vindj ’t waal.
ROOIE DRIEK
Ja, die Liebe der Bandieten. Zükkendes Lied. Der Banditen Man wird’s zu hören nicht müd
SCHINDERHANNES
Jao, góldj en briljantjes, jao alles waat blink,
Det is waat ich zeuk, omdet góldj gaaroet neet sjtink.
Waat geer van mich dink, det is mich knatsj-egaal,
Mer góldj en briljantjes zeen mien idejaal.